心力交瘁的一天

一大清早就收到complain call

書記打上黎,話有個匿名來電

" XX 1234架車今日超載, 聽日再係咁我就報警架喇!"

你老味 !

落到停車場找唔到負責人..

返上去即打比佢 !

呢條友仔, 因為某路線改路塞車影響車程, 走去車多個站既學生, 攪到平日無事既校車多左人 (佢話只係5個 ~) 佢話聽日唔會架喇, 唔改架喇 ! (總之你自己執生,我知會左你 ! 你要去死我唔左你, 你咪比麻煩我 !)

此時告一段落

放學時, 警犬話今日有人打黎找我,因我唔係位, 叫無留名者1630再打黎..

佢又問, 禽日有人打黎呀.. (係呀, 又係complain, 事源又係呢間公司有意外, 佢有打黎通知我, 不過無客仔受傷, 係有架私家車爬頭, 就係原來有個5年級女仔, 少少撞到, 唔敢講過,回家先告知mama..家長話點解校車無人通知佢地, sigh! 一架車咁多人, 咁無人受傷, 咪無人講囉 ; 有事家長見你講,佢又擔心仔女唔知有無事, 又會走黎學校見下佢地, 問下你地, 又同其他家長問呢問路, 呢d恐慌唔係無既 ~ ) 咁成11歲女..無可能唔敢講 ~

我明明已同佢講完, 佢之後又再打黎, 又話要找警犬 (事後佢話只係應承個女唔同我講,但佢又講左比我知....妖 ~)

頂 ! 我好Q怕呢間車公司, 我都唔知中左佢幾多次招, 補左佢幾多次鑊 !

佢對家長既manner又唔好, 又唔見家長打黎complain另一車公司 ??

今日1615 -1700, 聽左2個來電... (百街, 明明想留學生堂, 比佢地走甩左, 就係因為呢d電話)

一個話點解要等某一位學生, 佢遲到.....

另一個問點解校車早到, 又唔點人數, 又唔係在屋苑既迴旋處度走一圈等夠鐘先走...

(真係...見盡人生百態..)

上次你等佢, 今次你一分鐘都唔等我 -- > 校車唔岩

架車遲-- > 校車唔岩

架車早黎 -- > 校車唔岩

放學要學生等 -- > 校車唔岩 (不過呢個point都低校車死, 你要走一轉再返黎接另一車學生...負責人安排問題 ; 你多收學生, 所以無第2轉放學校車, 要叫某一批學生轉另一車, 比家庭老com你自己攞黎, 我完全爭你地唔落, 奈何我係校方負責人, 我要接聽投訴電話...)

最後返埋位, 我已無力再去改份作文, 我拎左回家....

頂 ~ 忍到夠鐘我即走...此地不宜久留

所以我有咩理由唔走, 我真覺我一身武藝 ~

PS. 校工阿頭收工時問我(因我去office睇下, 有人留堂者咁自動自覺係果度等我..of course 係無喇 !) 你唔做呀 ~ (我唔知邊個講比佢知,不過我唔mind佢地走, 遲早都知架喇 ~)