【私人網誌】水鞋都有錯?

上星期三, 下大雨

我有著水鞋, 我另一同事都有

佢放學時分同我講

警犬係最後一節課,走到我同事處同佢講

Police Dog : x老師呀, 我想同你講下衣著問題

I : (心想,下,仲有叉插我呀?我呢期無事好端莊樸素果囉喎) 哦,我衣著有咩問題?

Police Dog : 就係咁, 呢排天氣都開始熱喇,你覺唔覺唔係咁適合著boots呢 ?

I : (連天蠍GG本人聽到呢度都笑爆咀,因為我都知同事對係Aigle既深色水鞋) 但係我呢對係水鞋黎果喎

Police Dog : 哦,原來係水鞋,不過呢, 即係咁,我睇落都似係boots, 咁你覺唔覺如果人地以為你係boots, 會比人感覺你太新潮, 唔係咁岩著返工呢 ??

I : (痴架佢....??) 咁落大雨喎! 著高跟鞋會整濕對鞋 ,我都係見今早大雨我先著架o者!

Police Dog :咁你覺唔覺焗住對腳成日呀 (真關愛!!) 如果你對鞋好d既透氣多d既, 咁就話o者!

I : 咁我呢對都ok既.....

Police Dog : 咁你可以帶鞋返黎換架!

I : 咁或者下次落雨,我考慮下帶鞋返黎換喇

Police Dog : 咁即係你仲會著返黎呀??

I : 咁視乎天氣喇, 大雨既我都會著, 或是我會帶鞋返黎換囉

Police Dog : 咁你換既話, 就收埋好d, 收入d你對水鞋, 唔好比其他同事見到喇!

(有病架~ ~ ~有病架 ~ ~ ~ )

---------------------------------

同事話警犬跟住去左另一APSM同事度, 因為佢腳上的確係一對boots....

我當日都著坐水鞋,不過我同2位唔一樣, 因為我著左長褲, 佢地唔覺眼

(我同事I 係衰在當日要負責週會短講,同老闆同坐於stage 上, 所以先被人發現)

---------------------------------

而我著, 係因為放學我要負責校車組, 我要出入停車場, 睇住佢地上落.我有落場監場既..

痴架, 著咩鞋都焗架喇, 我放工返家, 著高跟鞋對腳都有味架喇...你估d人著波鞋又唔臭既....

續上次話我條褲sip入對boots度之後 我都費叉事對呢d無任何fashion sense既人講野or 駁佢...

何況我又就黎走, 我更唔怕佢