睇返呢個topic, update一下....
3月本來係返1日
最後係返左1日半 (半日係有假期中被人call返公司)
4月 - 本來係2日...點知最後係3日另加禽晚既夜更
5月...1次變成3次
6月.....2次..而家好似無哂 (因為加哂係5月度)
7月.....1次
註: 我知大把人要OT,不過....你地可能係5天工作, or 長短週5天半..
我地係老死唔會補返你返多左既....
有d就唔公平地只係某d人要返....
我老闆亦好鐘意咩都安排星期六,因為安排係星期日係要補假比我地(死Cheap 精)
我唔係勞氣,而係...頂佢唔順o者! 你唔係我同行, 你無法感受,
1日假要醫生紙.....半日早走請你自行找人代你....sorry私人事無可能比你走 (私人事除左覆診果d or 產前檢係無問題之外,但都係你自己找人幫你)
真係唔好話請半日假去high tea了....去銀行都唔得呀 (這是監獄, 無得假釋既亦無特赦)
lunch少於半小時....(出街食no way,咩特別放早都好,都唔可以出去食呀) 你話唔似坐監係咩 ??
無醫療,睇醫生唔該自己比, 檢查..自己比喇
無福利...有福利組既,不過咪就係用者自付, 聚餐度係拎$, 周年聚餐又係度拎, 唔夠埋數就要再比, 離職同事禮物又要再夾. 你唔去食呀, 無問題不過都要夾$架...)
文具呀.....比你一次幾支架咋, 喇, 唔好無比呀,有架,幾支都係有...我全年都用2x支喇 ! (我買芯都半打半打,買過幾次喇)
唔好唔開心啦! 有咩就係到發晒出來, 我哋點都會撐你嘅!!
ReplyDelete開心d啦! 諗吓幾時又去玩個夠 買個夠啦!
噢........好妹妹 : 你的確好唔開心啊 ~
ReplyDelete你d同行係唔係都係冇medical嫁 ? 佢o地放假會唔會貢trouble呀 ?
我都唔知點安慰你啦......不過如果你真係貢唔開心, 你之前既planning會唔會如期實行啊 ~
過埋呢個OT week, 希望你好d啦, 多d諗開心野, e.g. 去旅行, 希望你快d pass thru 呢個critical moment ~
p.s. 希望你6月真係唔屎O啦~
7 月都有 OT ，咁暑假 …?
ReplyDelete[版主回覆04/25/2008 19:50:00]暑假後由上年開始所謂既資優班....美其名之嘛, 咪又係全班一齊返...(得2級,為來年TsA準備)
個個同事有份返,永不落空,
否則我老闆點會叫我8月先放假出門去
我好明白啊!!!!!!!星期六日要人返工簡直係痛苦過痛苦，而人地覺得你好多假，但平日有苦自己知~~
ReplyDelete[版主回覆04/25/2008 19:51:00]我有同事試過2星期都要返足7日, 即係14人..
我地話去勞工處告佢 ~ (因為我地的確係簽到返工...)
係咁架啦......除非係做東華 / 官校，否則係冇醫療架！
ReplyDelete文具？真係好似乞佢咁.....
我地都好d，可以自己點影印就點....
我有同學仔就要乞老闆先有得影印....間間都衰到死
[版主回覆04/25/2008 19:54:00]無錯...但佢係比我地更beggar既beggar
無搬地址前.係有meter...(似十足十大學既bookshop),用左幾多都要mark...不過我試過影完一陣, 過1粒鐘再去print, 分開無咁覺眼
亦有人唔mark數
而家..個影印機唔係我地果層, 要坐lift去地下print, 車 ! 我地咪scan左再用printer print,
某年試過都要我地mark用printer影左幾多張, 我鐘意就mark, 唔鐘意就唔mark, 佢耐得我地咩何....而家...張紙都唔知去左邊
如果有人已另有打算，其實真係一件好事。我地呢D仲要係呢行浮沉，唉~~~~~
ReplyDelete你果邊情況係點，大家心照。你可以捱到今日已經好勁。
[版主回覆04/25/2008 19:55:00]今日同事先問多次, 係唔係真係打算走...
轉行都想, 我淨係問左句 : 你教我點可以推走哂d野做?
你可以搵到依家既人工嗎﹖
ReplyDelete小學係咪一走就要由頭計過pt.
不過你講既真係好啱
食飯真係好趕
我地食大約十分鐘到
真係會攪到胃病都似
不過都睇自己既運數
你出到去
一定有好過似家既地獄
又或者比依家仲死d既都有
所以都係自己想清楚
努力
[版主回覆04/25/2008 20:54:00]我知幼稚園係由頭計過
小學唔係..不過我係中層,出返去一定找唔返呢個中層位, 所以會減返少少人工...
不過我目的係唔想做而家做緊既野
今年我負責既計有 :
校車 (最煩果瓣)
校服 (叫校服商黎)
書單
小一六打針
健康服務(包括身檢同牙保)
嘩, 你呢份係乜野工架呢 ??? 係咪你呢行份份工都係咁難頂架呢 ??? 如果唔係, 有無試過出去搵過呀 ??? 如果只係人工少少少, 但係其實工作條件比依家好, 唔知值唔值去轉呢 ???
ReplyDeleteLunch 少於半個鐘 ??? 咁食熱野咪慘 !!! 會熱親個咀架呢 !!! 好唔人道架呢 !!!
[版主回覆04/26/2008 06:58:00]"her"入口喇....所以我個box永遠唔會full,
你放心,我今年都打算走....找唔到先算...我唔想久留
做 AM(主任) 底d, 人工高d(以前係, 家陣唔知), 可能工作量差不多......
ReplyDelete呢行最慘係OT無得補, 以前間仲試過用公眾假期要我地帶學生上大陸, 一樣無得補, 呢個都算,
最慘就係處理d唔係教學上既"濕碎" 工作, 教學要準備, 批改要仔細, 學生問題要處理, 家長問題都要處理......
雖然好像有長假, 但係家陣無放足晒呢支歌唱, 幾年前計過, 呢行做普通散仔, 時薪$70多(朝8 晚10都做唔晒), 好過做中點......
BTW, 好快就五月啦! 好快又六月啦! 好快又可以去鬆鬆! 加油!! 你得既!!!
[版主回覆04/26/2008 07:02:00]係既..不過做得AM仲百佳, 佢老馮比野你做,不過得某位屎片話自己好多, 其實我仲多野做過佢呀 !
因為有人升埋做APSM,所以分左d工比佢, 咪令到我要負起好多主任既工作囉 ~
我地上年咪用左個假去交流(公司團no學生) 之後返黎第2日就要返工....
仲有呢行最唔好就係做及唔做都係36, 個個有人工加, 又唔係見工績 !