嚴格的小G

報告下禽日既客仔大會

其實呢個係P.5 & P. 6既家長會

p.6 主要係講佢地點選中學

之後就由Hall轉入班房同老師傾!

咁班主任同其他家長講緊既途中, 我身為呢班既英文同常識老師, 就有責任去解答家長們的問題, 同佢地講下貴子弟係班中既情況 (有d我同子弟講明我一定投訴架喇 )

不過...都叫好彩, 佢對本人都叫做滿意, 無話比得多功課, 又真係見我好用心咁迫佢地做野 (我好嚴架,  哈哈 ! )因為佢地d weekly journal我要求 80字 (TSA要求) 上年老師要求100字添! ( 我衰到真係數架, 有家長另一孖仔話, 老師邊會數, 孖女話, 唔係架, 老師真係會數架 ~ 無錯, 我係對d字數有懷疑時, 我係會數既, 唔夠數既, 加返係下次度 ) 上堂做作文.... (補充果度果d)邊個唔夠時間做唔哂 or作錯野果d, 我衰到抽打返一次個題目, 要佢地作多次 ; 所以無人敢馬虎 ~

星期一係欠交功課高峰期, 星期二見佢地仲有部份唔交, 我火起到, 邊個星期三唔交, 即日留堂 (結果到星期五都無再有人欠交我功課)

今次因為係呈分考試, 我絕對對佢地緊張 (你唔緊都唔得, 一陣考得唔好, 大客只會complain我地)

星期五既考試dictation範圍, 又有4隻蛋蛋, 另加3-4個failed ~ 我上星期已預告我會留佢地堂再默, 默到佢合格為止 (總之我要大客仔知, 我迫得緊, 起碼dict呢樣野佢可以溫到, 讀本卷就講考臨場o者!)

有好多學生係初小時我已識家長, 所以佢地一知係我教, 佢好放心(媽媽係咁同我講 )因我馬虎極有限 (紅主任已話統一d好喎 ! 我理你呀, 我叫學生開本TSA writing做補充既作文 -因果本野好厚, 我又唔想我改切時,佢地有藉口唔做 ; 所以我開本簿等我收黎改 。註 :我唔精改, 我underlined錯野架咋, 最後比個分就算, 總之就係迫到佢地肯寫 。) 我公司呢part作文佔成10%, 佢寫少少, 執返一兩分都好喇 ~)

不過....全班最地底泥果幾位無家長黎添~~~~~