秋風起, 轉季未 ?

睇到大少奶話整衣櫃既衣物

就令我想起今早收到個客人既來電

佢問 :佢位尊貴既子弟可以幾時換季 ?

我答 : 今日出curricular月尾換,前後1星期係走盞期

客人: 下, 即係19號果個星期先得??

我 : 因為出果時都未知幾時有冷風, 所以咪安排呢個時間囉 (其實...都係參考去年日子)

客人 : 你地有無睇下出面, 你地同事同街既人都換左季喇 (下 , 我未換喎, 喂 ~ 係一個全日都唔開冷氣既地方, 中午又熱到27-29度; 邊度有同事換季呀, 出熱痱喇 !)

我 : 子弟係今年入黎的嗎 ? (佢話係)咁每個人既體質都唔同, 如真係怕凍, 我地都唔介意佢早左換既

客人: 咁你地未話換, 而我叫佢換, 佢班書友仔咪會當佢奇異人黎睇 !

我 :咁, 我地既同事一定會好好同全部人解釋, 每個人體質唔一樣, 我地係唔會責罵佢既

客人: 11月係咪有個客人座談會 ? 有無得發問架 有無mic比我地去問問題架?

我 : (大我嗎 ?) 今年入黎果d已經開左 (咁即係有家姐哥哥?? 咁有就年年都係咁上下換架喇 ) 當然我地會參考你既意見, 多謝哂你既電話 ~

客人 : 咁好喇 ~唔該 ~

後記 : 今日返黎先知呢個星期會落雨, 氣溫都會趺到得18度 ( 當然而家早上, 風真係大同勁, 不過中午真係熱到你頂佢唔順, 唔好唔記得, 我地仲係無冷氣開放)

而且, 如果我答客人好firm咁係唔比早換既, 你鬧我, 我咩都得, 比埋你去complain我都一樣ok ~

行政工作唔係我地既主力, 公司請我地返黎亦唔係聽佢地既電話去比佢地無理既取鬧

請勿再令我地百上加斤 ~ 咪少少事就打黎嘈嘈嘈~~~~