戰利品相

多年前仲係ｆｏｒｕｍ時，ｐｏｓｔ完一次手袋相被人評頭品足後都唔多想ｐｏｓｔ

係另一ｆｏｒｕｍ就唔會有人有興趣，所以我都懶得同人分享！

見大家ｂｌｏｇｇｅｒｓ一場，估計回既都係識既人多，唔鐘意呢ｄ　style既，佢可能都禮貌地睇完就算（你彈我．．．你估我唔deleted你既回覆睇你唔到咩

，呢個就係自己ｂｌｏｇ既好處，唔使怕人地既冷言冷語　－－各位，唔回唔怕架！每人既taste唔同，有人會好平既，亦有人會買貴既，總之自己著得舒服，睇得順眼就得喇　～）

以上係購自kat既～

下面就係it既，有大部份係baby jane既出品，買２件仲送左把縮骨傘！

我最愛係紫色果件，之後係條半截裙，最後係條直身裙　（今年好興ｄ懷舊既pattern,不過我睇唔岩，唔係大鬆身似大肚款，就係領口大太，總之就係好闊，真係怕肥左自己都唔知）

準備換季

一換季,就煩, 要洗, 要摺, 拎夏天衫出黎! 06年我12月尾先黎出冬天, 次次都要整幾個鐘 !

所以...買左少少先, 否則熱死都無時間去整 (今個星期公司有大project, 之後自己又要準備考試, 我一定唔會整衫住 ) 我而家有3-4套, 再熨返d薄既長恤衫, 而家又買左幾件, 應該可以暫時應付 !

今日行連根拔, 對鞋...好似無size....ohoh, 應該可以唔使買喇 ~ ( 考完試先再考慮 , 無就算 !)

今日去左修頭髮再黎多個highlight ~

之之島篇 - 泰國食品節

今日過得多充實 !

早上830就要返到公司值日, 包括要睇興趣小組班 ( 睇d 小頑皮集隊, 導師是吾準時, 之後又要負責2個groups既觀課 ..) 老闆後來返左黎, 叫我呢幾日要寫script for 星期六日既大型活動 (星期一將會補1日假比我地休返 )

今日校工係後欄 (佢地講既 )比左幾朵花花我 (佢自己種架 ~~~

仲要蕃茄仔同辣椒仔咁....)

佢仲叻到整左個stage, 星期六日用黎比人上台表演 ~~~

朵花花我一見就問 : 假架....咁靚既 (點知佢話 : 咩假架, 真野黎架 ~~)

不是真係好靚, 尾指咁大度

放1230, 不過1430先返浸會, 所以我去左之之島 (因為jess前日講我知有泰國食品節, 咁我去八八囉 )

忍唔住手, 買左2packs noodles (包括係冬蔭公蝦麵同冬蔭公濃湯麵 )呢隻野, 我地去big C都要pack 幾大包入箱運返香港 ! 仲有lays果隻波浪型potato chips係必入之選 (好味過普遍型) 不過big C就有n咁多味, 呢次得2隻度, 我見有隻chili先買！

另有肉鬆蝦片，一盒唔辣，一盒係辣既！

唔係要拎返學再先返家，我會入埋$10 3罐既椰青水，雖然去泰國既意慾不強，不過．．．都要止下引既，咁就唔使心思思想去（阿邊個，仲以為我easter去左泰國）

明早又教琴，之後約左整highlight同修一修頭髮，係時間剪架喇，都成４個多月喇！

明早都要睇下星期二有無平價早場，想睇波特小姐，不過又想去睇愛在遙遠的地方～～

有感而發

今日睇到Madame Pi係blog度提過有關留言既問題 (是blog友與blog友間的不和、對罵, 世界上有人, 有人就有是非, 有人就有不同意見, 大家可以和而不同, 為什麼要爭辯到火紅火綠, 水火不容? 看到你不認同的地方, 你看過就算罷, 不必把它放在心上。)

其實不止bloggers, 網友, or even呢個世界就係咁, 有人就有是非 ~

而家我得出既道理係遠離是非之地, 有時都唔知邊個對自己真, 係唔係自己攞左良心, 付出咁多, 就真係收回相等架呢 ??

唔好話係,虛擬世界, 現實中都唔得喇 !

我只能講, 今日我係另一處睇到某幾位既回覆, 一唱一和..真係好得人驚, 因為內容根本就係針對某一人 (不過唔知係邊個, 心中都有個人選既, 但我唔會去求証)

諗過下, 係唔係我?? 我只知識我既朋友係唔會出賣我! 有時d野喊完就算, 同佢地做人世咩…而且我都講左我唔會再係果度出遊記, 咩搶收視!) 總之…好怕d人唔知狀況就亂加把口,嚴重者仲代人出口傷人,但原來佢根本唔知事件既來龍去脈!

而且我覺係話人既同時, 有無諗下 / 檢討下自己先呢??

如小朋友, 你有無打人呀?? 佢夠有打我囉 。咁你有無出手呀…(silent)

complain人地態度唔好既同時, 有無諗返自己語氣好唔好呢? 點解只係識睇人,而唔會用相同既尺去量下自己?? 呢d都係我所體會既~

我都係有感而發, lo so only ~~而唔係自己放唔低某些事~

總之呢個world 咩人都有, 何必花精神係d唔值既人身上!

 

真係…學肥媽唱 :o徒氣!

 

上海杭州之旅 day 4 part 2 之購物篇

我係蠶絲廠係無買絲既衣服同被, 其實係周莊我好想買扇 (因公司要 over 27度先比開冷氣, 你要知我唔多留係office個位, 要行出行入果d只比10點後先開既 - 註 :即係over 27度就10點多後先比開, 真係睇天架, below27咁點 ?? 唔開得囉 ) 我地話返工 = 返sauna場 !~~~~)

係蠶絲廠我就見佢d扇既quality幾好, 又唔係女性公仔 (我至憎) 咁就買左2把喇 (都幾貴,不過佢係前後唔同圖案, 即係2面, 唔似平時果d得一片 )

之後再繼續渣乾我地既 $, 就係去買胎菊 (oh~~~終於到我此行既目的 , 無錯, 呢隻野我好like, 家人買返黎既都係我飲哂咁制)

3罐大送一罐細既, 或者係6細再送一細

不過唔係家人買果隻款! 返黎我都知有d分別, 睇下圖

呢隻既菊比較完整同size好接近 ~ (同之前果d唔同架 ) 唔怪得貴過家母講我知既價 ~

準到 + 0 1 既星座篇 (2)

上回講到我係天蠍座既小G, 繼續睇埋 x星既在天蠍座既性格 ~~

你的金星在天蠍座

熱情、具魅力。

猜疑心過強，有時會變得貧乏而不健康。

你的愛恨分明，從情感的苦樂中，你學會昇華，也學會轉化情緒，自我治撩，同時你也是很好的治療師，因為曾經有過感情創傷，特別瞭解如何去治療別人，假如你只要學習控制疏導你驚人的感情原動力。你可以完成很多了不起的事情。

 

你的火星在天蠍座

記憶力強，有時很固執。你的精力非常深沈的由深層的內心湧現，當你正確的引導它，能夠給你堅韌不摧的力量，而且能持續到你的目標的完成。

 

你的木星在雙魚座

你非常慷慨、平靜、友善和自然，一點也不矯柔造作。你很本能地就是會花時間幫助他人，因為你富有同情心的本質和安詳平和的態度，使你富有人緣。你的事業心不強，而且每隔一段時間你有需要隱遁的傾向

 

你的土星在巨蟹座

精明、有壯志、堅忍不拔，但悲觀而多疑，自憐。通常能將工作做得令人滿意。

 

你的天王星在天秤座

天王星在天秤座的誕生者，希望能夠從大團體裏得到自我肯定，從自我投入的活動中發現自我，如果表現良好，可以成為優良的領導者，如果此點不能適當發洩，就會變得很古怪。

在人際關係方面，有時會顯得只顧自己方便，而沒考慮其他人。

 

你的海王星在射手座

冥王星居於天秤座是要追求文明社會中難得的公平正義。

 

你的上昇星座在魔羯座

上昇星座在魔羯座的誕生者，從小就希望趕快長人，好尋找一片屬於自己的天空。

其特點乃是頭腦富組織力、勤勉、有耐性。不管做任何事，都有目標，遵奉現實主義，行事直截了當，個性正直樸實，惟略帶憂鬱，內向氣質。

對於奢華的環境和美味的食物皆有興趣，同時亦熱衷美術、雕刻與音樂的鑑賞。效率和勤勉是生存的基礎，具備在現下社會組織內，可以活用的實用思想。

多才多藝，擅於工作之處理。並具備同時處理多項工作的能力。對待同事和老闆，一向心直口快，此乃管理才幹的表現方式之一；另外，為了提高工作效率，更具備多方面的知識。擁有很多工作上的伙伴，以擁護有魅力、有權力地位的人，為最高明的處世手法，順便利用此人際關係，使自己也跟著提昇。又因為對工作抱有強烈的敬業心，所以，一般人對他的評論不錯，而且人緣也極佳。

--------------------------------------------------------------------

總括一句 : 真係準到 + 0 1 ~

資優生 ???

今日係第2日既測驗日, 我班有個集中力有問題既學生, 媽媽都好concern佢 (單親家庭), 一年級已話佢小手肌有問題 (所以抄野慢....等等 ) 到而家p.3, 都係咁 (我一開學都已經發現 )

媽媽同佢做過test (因以為佢係學習有問題 如學習障礙, 學習遲緩 / 讀寫障礙 - 註 :而家鬼死咁多學名, 以前又唔見我地有 ~~) report返黎話佢係 : 資優, 寫野全無問題, 只係注意力稍遜 ~

知道原因後 (上年班主任話2年都唔覺佢係資優, 今年只知佢數學開始突出, 因上學期考試係真係要用心思同推理,佢有成90分以上 ) , 咁就要做d野, 如係測考上加時, 因佢分心嘛 咁咪比多少少時間佢囉 ~

but.....佢真係唔多掂, 唔想寫, 慢動作, 無拿拿都可以拎住筆無反應 ! (要你企係佢旁 / 不停提佢 / 我就會唔出聲等佢自動發現我望住佢 )

佢已經係抽離考試, 我校有個安排係比d學習有問題既學生, 係測考卷上作調適, 如放大字, highlight 明顯重點字 , 唔使佢寫比佢圈 / mark 記號等 !

結果如以往, 佢唔會珍惜, 禽日中文測, 佢無做3parts, 監堂老師話佢早早已完成 ! (咁就叫完成 ) 比我知道後, 比得咆哮左佢半粒鐘 ,因佢唔答/ 唔敢答我原因 ! (上年都係咁, 佢話佢唔識寫 )今次無做既係 : 重組句子, 一篇文章填回合適既詞話, 無奶油唔識 !

禽日話完, 又同媽媽傾...好喇, 今日英dictation, 呢條死仔 ~~~ 好多句都唔寫, 我召佢上黎問個清楚 : (註 : 摩打手係20mins內改哂 )佢話老師讀左我無寫,咁咩原因你唔寫, He is good at..... He likes..呢d未你唔識咩 ??? 以後我緊係提佢一陣test,佢一定要答哂, 唔好亂寫野比我 ! (是次dictation,得佢零分, 另一零分子 - 啊豬, 應該有30多分  -- 算把喇呢個, 佢阿哥都係小小強既成員, 佢potential應該好過佢哥哥 ) 全班得2位唔及格 !

結果 : 得1-2parts既1-2題無答, 唔好開心住, 因為有d答左 = 無答 ,因為亂答 !

又有監堂老師feedback : 佢有拎筆,不過係不停係紙上畫圈, 之後打鐘, 佢先話佢未做完, 要求加時 ! (頂 , 擺明係呢個時間就黎將d未答既亂咁填野上去 )

我諗係時候叫校工同佢傾下喇 ( 佢已有file,因佢有做過學習評估,不過真係唔知有關當局仲可以做咩 )

佢媽媽都無辦法, 溫又溫左, 講完都無用 (我禽日衰到叫佢唔好返, 請病假, 咁又唔使補考, 好過唔及格)

禽日問左45mins, 佢先話佢唔答因為佢唔想寫 ~~~ ( 禽日交既dict corr, 係佢媽媽代做既 , 小朋友話因為要溫書, 無時間做 )

大家有咩 comment呢 ??

 

上海杭州之旅day 4 part 1 之蠶絲廠篇

已入左蘇州, 第一站去左睇蠶絲.....

呢度先去睇蠶..原來整被係要蠶繭中有2條蠶 (即係twins ~~~)

第一行相係洗下d蠶, 之後中間果行係將蠶拉開佢, 之後愈整就愈大張, 最後就係等幾位姐姐一齊拉開, 疊好幾層後就完成一張蠶絲被了 ~~~~~

下面係收費, 咁如果下次有機會有朋友自由行, 都可以知道相差有幾遠 ~

今日下次呢餐係唯一一次自費既, 娟娟介紹我地可以先去買呢個一口糭食, 我買既係火腿糭, 好好味架 ! (好似係 $3 ?? )

上海杭州之旅 day 3 part 4

去完睇珍珠 ( 交左 $喇嘛, 咁當然就帶返我地去睇景點喇 )

係寒山寺, 呢個local guide係操不知幾流行既廣東話, 第4日我拍左d video, 你地會見到佢同聽到佢把聲 ! 佢帶團的確係無得頂呀 ~

話明係寺, 當然就係似大雄寶殿 , 觀音果d咁...無咩野睇 !

特別既咪就係呢個聽鐘石, 比 $5人仔就可以入去敲下個鐘 (讀書好d ??)

比$, 又好似日本咁 (不過唔係牌仔一片) 比你寫d祝福語, 我見係到處亂掛, 但我地估計, 事後佢地係會收集好再一次過同你綁於一樹幹上 (如下圖)

最右果張, 我見佢寺中介紹都係咁樣影架 (不過我係影完先知, 我見角度幾靚 ,咁影返張囉 )

寺中既相就兩旁種哂好靚既花樹 (而家就係幾棵樹 )

同場加影.......葉 (影得好有味道架 ~~~~)

果度又有種好多花, 我見有團友行埋佢影 (註:not花田, 只係種係樹既周圍)

不過我都係鐘意我影果幾張樹葉 ~~~懶係有深度咁 ~~~ 呵呵呵 ~~~

我真的受了傷 & 準到 + o 1 既星座

無論係心靈上同肉體上都受傷了 ~~~~

(今日教完琴行過一個不平既路, 失重心, 足踝扭一扭...唉 ~~ 次次都係咁 !雖則無pk到, 不過...感覺絕不好受, 因為足踝已傷多次。所以返風落雨間唔中都會痛架 ~) 一陣要用下boxing cream先得喇 ! (次次都係2老外遊時受傷, 上次就踢爆腳甲 )次次都係腳 !

見到MamiMama講星座, 我就去找找自己既月亮星座 (多年前聽jady講, 月亮星座比自己本身既星座講得更要準 )

果然, 係準到 + 0 1既 ~

先黎上半篇

你的太陽在天蠍座

天蠍日座的人天性深沈，常獨自沈默不語。是熱衷的保守祕密者，不過，亦具備洞察事物能力和執著意志。頑固為其主要缺點。這個星座是由火星和冥王星所共同管轄的，火星代表戰爭、戰士，所以有旺盛的鬥志，好勝心和衝勁極強；冥王星代表死亡、秘密、殘暴、獸性、探測、調查、礦藏開發。所以天蠍日座的人就是這兩種性格的綜合。天蠍座有非常特別的性質，聰明、洞察力高人一等，使天蠍日座成為真正的神秘學家，對玄學興趣濃厚，他們很有吸引力，容易吸引周遭的人。

天蠍日座先天的能力和醫學、死亡、靈異、犯罪有關，因此在職業上也傾向心理學家、醫生、偵探、政治、屠夫、探險家、保險、軍火、銀行。又由於天蠍座的人專注力強，又有非凡的感應力，所以從事算命、占卜的工作也很適當。如果從事藝術文化學術的領域，都是有大將之風的人，必在某一領域內成為權威泰斗。

 

你的月亮在巨蟹座

月亮在巨蟹座的人，很情緒化，母性極強，因此照顧別人，保護別人的心態強烈，但因極敏感，東想西想，胡思亂想，也更易受傷害。月亮在此座的人，其月亮的正面特徵特別強烈。照顧別人、保護別人的心態極強，家庭觀念也很重。對他人深具同情心，對環境十分敏感。想像力豐富，十分情緒化。就是源自有所歸屬的安全感. 著重感情的你，也善於回憶，容易沈思陷溺於過去的事件和感情中，往事歷歷，如在目前，就這樣自然而然地陷入了沉思和回憶，不論是苦是樂，就是一幕接一幕地回憶。

巨蟹月座的人，一旦付出愛就永遠不會變心，不但奉獻出對對方的關心，也很容易依戀他人，有很多人一直到年紀老大仍然離不開母親，而在依賴母親的同時，也使自己成為具母性的人。在人際關係中，應不要放縱頑固的天性，去依附他人，仰賴他人給予心理上的力量。巨蟹月座的人在不得志時很容易酗酒，很多巨蟹月座的人都愛喝酒

 

你的水星在天秤座

你的品味很高，非常堅持美及藝術的標準。

通常，這種人擁有能幹而機敏的心智，這種性質能在各種不同的職業上獲得成功，當這種水星位置的相位良好時，這種人具有真實的聰明，假如相位不好，只能帶給你膚淺，善變浮躁的心。

-----------------------------------------------------------------------

我係好執著, 黑就黑白就白, 我亦無人咁奸炸 / 暗險。我亦係果種, 鐘意你就咩都得, 唔鐘意你我會唔so你既人! (即係, 我時運高睇你唔到, 我情願行開d都唔想要去social人地既人 = 對我老闆一樣, 我情願行遠路)

愛恨分明  - typical 天蠍性格 ; 是非黑白分得好清

我重感情, 無錯, 所以係我朋友, 我的確會對佢好好 ; 可惜既係, 有時人地無必咁對返你 。(呢方面我絕對係輸家, 所以......有問題發生時, 有d我會當佢唔會再係我既朋友 ; 除非佢有野令我對佢改觀 )

----------------------------------------------------------------------

仲再下一篇, 明日再post

(睇完.....哈哈, 只能証明呢d真係我既真個性)

自己只能不時去檢討下自己, 可以既當然改善下自己 ; 不過改係為自己而改, 而唔係為左去討好人地 / 去達人地既標準 (咩事要為人地而活 ?? 人地係點我無得去改, 只可以盡自己努力去做好自己既本份 )

***********************************************

各位自己都可以去查下你地係咩月亮星座, 等自己了解/ 你朋友了解你多d ~

Cheers ~

 

上海杭州之旅day 3 part 3

無錯既, 睇左片既bloggers應該知我講乜 !

不過,同田琦珍珠唔同既係, 日本送一粒, 呢度係比哂我 ! (d團友仲緊張過我,不停代我問包野得未, 係邊...)

有小朋友仔問我 : 係唔係幫你整條鍊架 ~  (傻喇, 30年果d先整到一條粒粒圓不過唔光滑既貴野 )呢個蚌, 得果3年, 好肯定粒大粒細, 要左都係留個念, 佢幫你整都分分鐘要收你手工 $ ,二來 : 粒粒大細唔同, 整完都唔靚, 最後 : 係得25粒, 整得d乜 ?? (註 :佢比得返23粒我架咋 ~)

你估我講呢包野似乜: 似牙醫幫我脫完隻智慧齒後比返我果包野一樣 ~~ (又有水..)

之後我地去左另一購物景點 : 就係紫砂茶壺 ! 又到飲茶睇表演時間 !

sorry : 得門口呢個大型壺比影, 之後講明唔影得 !

又係攪野 : 有個叫水上飄 ~~~~ 即係個壺識浮既 !

另一個手工幾靚, 個壺頂係蓮花 (仲有識郁既蓮子 ), 又有個係青蛙黎既 !

個個有名, 有個仲有出世紙加 no, 不過買家一留低地址以record呢個壺去左邊喎! (你唔比就即係同佢無緣, 唔比賣喎~)

問過家父 : 佢話個個壺都特別design, 有個活門, 所以一按壺頂係可以control佢出唔出水架 !

d咩原價 $xxx, 最後 $120 , 原價 $xxxx, 最後又 $360 (半價咁制 )有d就買 個 $360 送返個 $120既比你....真係幾攪野 !

最後係有2-3個人買左 (我又係無幫襯, 因為家中已有一套,我當然唔會再買 )

今日寫到呢度, 聽日會帶大家去睇寒山寺, 果度我都影左幾張好靚既相, 所以留返聽日先post!

上海杭州之旅 day 3 part 2

食完午餐, 去左落閘放狗唔買無得走既(巧押韻耶 ~~) ~~~~珍珠廠

入去先黎一個蝆池 , 之後倒左杯茶比我地飲 (落左藥架 -- 其實係想我地一陣幫襯既珍珠粉o者~)

之後黎個同日本田琦珍珠咁既抽獎活動, 唔同既係,唔係抽人, 係叫我地估有幾多粒珍珠係裡面 !

我估 ~~~~~25粒 (本來想估23,不過有人估左, 我咪轉囉 )

去片 ~~~~

睇佢開,同開估 ~

另 : 佢話自己係姓周潤發既周 (我地話, 咁即係周星馳既周喇 !) 之後仲攪野, 佢話佢叫stephen (即係shephen Chau ) 仲唔係周星馳 ~~~

佢都無我地咁好氣, 之後一路講就一路我地有我地講 (如 : 掛住睇佢話既30年貴價珍珠, 無人聽佢講 ) 又叫佢拎條貴野去磨下, 試下有無粉出, 咁就知係唔係真野 ~~

佢一路講就一路留汗 , 最後佢講左句 : 我講咁多團, 你地呢團最倒蛋 ~~~~ ( 哈哈哈 ~~~)

佢又話咩唔知3分之一 (不過國語講係"生飛滋 ") 佢又比我地玩喇 ~~~

------------------------------------------------------------------

d人真係識做生意, 買買下, 又話呢邊耳環買2送1, 之後又黎平價吊咀, 又黎買幾多送幾多 ~~~~~

起碼係度留左1粒鐘 ~~ (真係影相又唔見咁多時間 ~)

我 ~~~~~緊係又無幫襯喇, 我叔叔係做珠寶買賣, 我小時候已有不少珍珠耳環 ( 吊又有,  一粒過又有 ) 圓既又有, 珍珠米型又有 ~~ (不過average都係 200-300就有一條necklace ,叫到玩得過 ) 要買我都情願買d有牌子既 (如Tiffany, Cariter, Bvlgari ) 要玩既, 我唔會買架 ~

上海杭州之旅 day 3 Part 1

day 3, 我地坐左都2個多小時先到無錫, 到達後 (天氣開始熱喇, 我可以穿短T / 薄長袖)

 

第一站去呢個已list做無錫18景既薛家花園, 全因佢太有錢, 中唔到做狀元, 都做左師爺, 人又聰明 (如識係家中整"熨"門, 掩人耳目...)

 屋企太到可以比有錢朋友既 " 僑" 入埋屋. 真把閉 !

佢個花園又大, 又有私人戲棚 (最下果行既中間)

最下行最右果張, 構圖靚嗎 ?

之後去左食午餐, 最出名既係無錫排骨 (普遍左d ) 之後有白飯魚既湯 ~~~ (仲以為係白飯魚炒蛋, 成日講既野都唔準既, 上次第一餐又話有寧波湯水, 一改再改, 最後係變左有油出既羅米茲~~~)

 next stop is 太湖 ~~~~ (好大好大,所以唔可以坐船, 否則坐成日都遊唔哂一個圈 ~~)

太人工化了 ~~~~

下期預告係 ~~~~~太湖珍珠城, 有好野比大家睇呀, 亦有好消息, 咩野 ?? 聽日入黎捧下場就知喇 ~

上海杭州之旅 day 2 Part 4

食完晚餐, 好無引咁行左新天地一圈, 就返去外灘排隊等上船 ( 嘩 ~~d唔知咩地方既中國人,打尖好叻呀, 我地明明排緊,佢地都可以係你身旁排哂上黎 ~~~真係扮哂蟹呀 ~~)

上左船, 已被人霸哂上層, 我就好叻咁去左艙既第2層 (係半露天 )仲有高椅坐 (不過之後由一班唔知操咩中國方言既人....仲要迫迫迫我張椅為左影一張會變鬼影既相 ), 我真係唔出聲就當我係lulu,雖則我無d辣妹一姐咁霸道...不過我都不是好蝦的 ~~

我睇佢地不停咁影...不過

, 因為無腳架, 佢地既相我見到係鬼影黎架 !~

今次我好醒目咁, 帶左個相機送既腳架 , 咁好彩呢個位仲要有個位比我放腳架 (perfect) 你地可以係相度見到呢張枱既物體 ~

又去片先 ~

上海杭州之旅 day 2 part 3

之後呢d就係坐艇仔時影既 ~~~~

聽下歌仔先~~~

遊完艇仔, 就要坐2粒鐘度返上海, 去咸亨度食 (網友話過深圳都有, 仲要幾好食 , 點知我第一次試就係上海 ~~)

之後, 去左新天地, 原因係去夜遊船太full, 娟娟建議行一行新天地 (oh~ 去完先知 ,what a pity, 我想係新天地飲下酒...hea下..好好feel耶 )

 

上海杭州之旅 day 2 part 2

繼續行張廳

右邊據娟娟講, 屋下隻艇係比船家經過 (方便d小姐係家中都可以買胭脂水粉 )

下面第一張係現在婆婆親手做既 ~都幾可愛下

上面係團友係度教仔仔用磨 (我拍左video )相中就有用馬賽克打格....video唔識打格他, 出賣人家好似好無品咁 ~~~~

之後去左沈廳 (下面係沿途影既, 因為費時自己去左咩廳都唔知 )

下回part 3,我地係會坐艇仔聽婆婆唱山歌 (有d都唔係既 )

我仲有拍video, 今次就真係可以出街喇 ~

(聽日要測驗, 要溫書了, 所以只能出部份, 唔想打太多 , offline lu~~~~)

 

又大出血

禽日收到大新既upgrade信,不過睇埋背面,話使用e-banking,要收交易金額既1%為手續費!

乜銀行唔係鼓勵唔好用咁多人手, 交稅填form都叫人用電子喇, 呢間銀行分行又唔多, teller又少,得果2隻窗,都唔知攪咩 !

申請佢唔係為左每個月唔使比$就自動轉分入去UA mileage Plus度,打死我都唔申請!

另一事件:我今次出發,係街度拉住個急先發現個look有怪聲,家母先話個look係甩膠,佢整走左d,所以咪有怪聲囉! (下,乜你唔早講呀~~~

)

今個星期到佢地去玩,佢就話要買過一個 (真係#*yz c7381zy&)

家父天生性格多事, 嫌3嫌4,都唔知佢想買定唔想,而complain家中另一個接收ee既個鎮唔多得喎 (咁你想點??)

佢無去睇,又話360轉果唔好 (下,唔係喎,我想買好耐架喇,8月係printemps都睇中左個,不過無奶油帶住2個32吋入london,我先放棄咋!否則以我性格,買左先算 !!!!!)

最後, 由本人同家母出馬去買 (因我用得最多,而且要我去碌卡嘛 !)

yeah yeah ~~~~360度轉轉轉 ~~~~~

之後我先去修眉, 同家母食lunch, 陪佢去睇鞋, 先行返拎急

唔記得講,係travel max度買, 會員可以有9折; 而且今個星期,除某幾個專櫃得9折外,其他全部8折

陪家母睇鞋時,發現我第一對想買既鞋.....翻兜貨喎!

sales姐姐話太好買, 都係剛剛返, 唔係間間有 (我話我知:我就係遲左買, 之後間間都無哂 )

oh ~~~ $750 既鞋, 我用恆生卡  (之後先知有9折) cashier問我用唔用cash dollars (用 !!!!) 雖然我唔知有幾多, 以為係扣幾十的說

最後去比$時, 先知扣左成2百幾, 即係對鞋 $420成交 (呵呵呵 ~~~~)

唉 ~~~~何為大出血, 因為入返支護膚品....訂左4個月既lotion今日又有貨....差幾百又有一set sample送...(女人$真係易賺 ~~~)咁又無左千幾 !

Bobbi Brown果度今日用哂,又要再買package (家母睇住我修,佢真係睇得好開心,話又要book去修,修完先出發喎 ~~~~) 又用左我一次quota喇 ~~仲要話.......我又要買你果支eye brow gel ~~

上海杭州之旅 day 2 - part 1

連續2晚都住宿於上海錦榮國際大酒店, lobby都ok, 係個食泰國魚翅既地方度食早餐 ~~~

早餐...最愛係煎蛋, 飽都可以 (我指係花卷, 奶皇飽等) 食過米粉同河粉 (都係懷念泰國酒店既多款早餐 ~~)

果汁都多幾款選擇

有豆漿, 團友話禽日係南京東路既永和好好多 (無錯卦, 不過以酒店質數同選擇中, 呢d豆漿都叫可以接受)

 

之後出發去金茂大廈同影下另一角度既東方明珠塔 ~

之後去買第一個落閘無出口 (多門口多到都唔知邊個係exit) 既皮獶館, 我成日以為佢買比我果個百零蚊有交易, 原來細細隻都要 $398

, 我地仲要唔識睇靚唔靚

(不過..佢係叫帶隊到大陸既同事買, 導遊自己買, 無奶油會唔靚既 )

所以我又係無買野既 ~~~

之後去左食午餐, 此餐既風味小點係生煎飽, 個底好燶 ~~~

 

另一景點 ~ 周莊

好多元蹄啊 ~~~ (仲可以代你真空包好 )

另都見好多麥芽糖 (真人表演拉麥芽, 不過見到佢整完都唔想買黎食 )

仲有龍鬚糖 ~~~

取影還不錯吧 ~~~

風景不錯 ~~~

上圖果3張都係雙橋 (我開頭都唔明咩係雙 / 商 定相~~~~~)

原來係橋既倒影形成2條橋 = 雙橋 ok~~~??

-------------------------------------------------------------------------------------------------------------------

part 2將帶大家去坐艇仔同聽歌 ~